ព្រៃវែង៖ ក្រោយពីលោក ឈឿន ប៊ុនឆន ត្រូវបានរាជរដ្ឋាភិបាលកម្ពុជាបញ្ចប់មុខតំណែងជាប្រធាននាយកដ្ឋានវិទ្យុទាក់ទង នៃអគ្គស្នងការដ្ឋាននគរបាលជាតិកាលពីថ្ងៃទី០៨ ខែកុម្ភៈ ឆ្នាំ២០២៣ នៅថ្ងៃនេះលោកក៏បានទទួលតំណែងថ្មី គឺជាស្នងការនៃស្នងការដ្ឋាននគរបាលខេត្តព្រៃវែង ជំនួសលោកឧត្តមសេនីយ៍ទោ ព្រុំ សន្ធរ។ នេះបើតាមលិខិតប្រកាសដែលមានការចុះហត្ថលេខាដោយរដ្ឋមន្ត្រីក្រសួងមហាផ្ទៃ សម្តេចក្រឡាហោម ស ខេង។
បើតាមអនុក្រឹត្យរបស់រាជរដ្ឋាភិបាលកម្ពុជាដែលចុះនៅថ្ងៃទី០៨ ខែកុម្ភៈ ឆ្នាំ២០២៣ លោក ឈឿន ប៊ុនឆន ដែលត្រូវជាប្អូនបង្កើតស្នងការនៃស្នងការនគរបាលខេត្តកណ្តាល លោកឧត្តមសេនីយ៍ទោ ឈឿន សុចិត្ត បានទទួលតំណែងជាស្នងការនៃស្នងការដ្ឋាននគរបាលខេត្តព្រៃវែង ជំនួសលោកឧត្កមសេនីយ៍ទោ ព្រុំ សន្ធរ ដែលនឹងត្រូវឡើងជាអគ្គស្នងការរង នៃអគ្គស្នងការដ្ឋាននគរបាលជាតិ។
លោកឧត្តមសេនីយ៍ទោ ផាន់ សុផល នឹងត្រូវឡើងជាប្រធាននាយកដ្ឋានវិទ្យុទាក់ទង ជំនួសលោក ឈឿន ប៊ុនឆន វិញ៕
